Соморсуҥҥа Мурал оҥоһуллунна

Саха норуотун тапталлаах поэта, Саха өрөспүүбүлүкэтин култууратын туйгуна, «Гражданскай килбиэн» бэлиэ хаһаайына, Амма улууһун, Соморсун, Сулҕаччы нэһилиэктэрин бочуоттаах олохтооҕо, поэт Семен Спиридонович Капитонов 70 сааһын көрсө, оҕолорго кини айымньыларынан уруһуйга күрэх биллэриллибитэ. Күрэх балаһыанньатыгар кыайыылаах уруһуй дэриэбинэбит килбэйэр киинигэр Мурал уруьуй буолан туруо диэн ыйыллан, элбэх оҕо кыттыыны ылла. Күрэх түмүгүнэн Соморсун орто оскуолатын үөрэнээччитэ Анджелина Лебедева поэт “Сибэкки сипсиэрэ” диэн хоһоонугар уруһуйдаан кыайыылаах үрдүк аатын ылла.
Улахан кээмэйдээх Мурал бастакытын уруьуйданарыгар, улахан сүбэтин-аматын, Анджелина салайааччыта, Соморсун орто оскуолатын технологияҕа, уруһуйга уонна черчениеҕа учуутала Александра Николаевна Сокольникова оҥордо. Киниэхэ нэһилиэк талааннаах ыччаттара Галина Заборовская, Сардана Борохинаи күүс-көмө, өйөбүл буоллулар. Бырайыагы “Дархан” култуура киинин уус уран салайаччыта Туйаара Софронеева көҕүлээтэ. Кулууп үлэһиттэрэ бары биир киһи курдук түүннэри –күнүстэри илиилэрин араабакка, үлэлээн, дьиэни эргиччи тупсаран, бөһүөлэкпитигэр кэрэ көстүү дьон-сэргэ болҕомтотун тарта, сэҥээриитин ылла.
Муралы үөрүүлээхтик аһыыга дьаһалта аатыттан, бырайыак уонна уруһуй ааптардарыгар Туйаара Софронееваҕа, Анджелина Лебедеваҕа Эҕэрдэ суруктар, өйдөбүннбүк бэлэхтэр туттарылыннылар. Ону сэргэ бары күүс-көмө, өйөбүл буолбут дьоҥҥо Махтал суруктар ананнылар. Нэһилиэк ыччата салгыы маннык кэрэҕэ, сырдыкка угуйар бырайыактары олоххо киллэрэ туруохтара диэн эрэнэбит

Оставьте комментарий

Ваш адрес email не будет опубликован. Обязательные поля помечены *